विश्वास नांगरे पाटील: विश्वास नांगरे पाटील यांनी घेतली शरद पवार यांची भेट; चर्चेला उधाण – joint commissioner of police vishwas nangre patil meets ncp leader sharad pawar

[ad_1]

हायलाइट्स:

  • मुंबई पोलीस दलाच्या कायदा आणि सुव्यवस्था विभागाचे सहआयुक्त विश्वास नांगरे पाटल यांनी राष्ट्रवादी काँग्रेस पक्षाचे अध्यक्ष शरद पवार यांची भेट घेतली.
  • या भेटीमुळे राजकीय वर्तुळात चर्चा सुरू झाली आहे
  • शरद पवार आणि विश्वास नांगरे पाटील यांच्या भेटीबाबत सूत्रांनी दिलेल्या माहितीनुसार, या दोघांची राज्यातील कायदा आणि सुव्यवस्थेसंदर्भात चर्चा झाली.

मुंबईः गेल्या काही दिवसांपासून राज्यात पूजा चव्हाण कथित आत्महत्या (Pooja chavan Death Case), मनसुख हिरन मृत्यू प्रकरण (Mansukh Hiren Death Case) आणि मोहन डेलकर आत्महत्या (Mohan Delkar Suicide Case) प्रकरणांवरून विरोधकांनी महाविकास आघाडी सरकारला घेरले आहे. पूजा चव्हाण प्रकरणात वनमंत्री संजय राठोड (Sanjay Rathod) यांना राजीनामा द्यावा लागला असून मनसुख हिरन प्रकरणात पोलिस अधिकारी सचिन वाझे (Sachin Vaze) यांचा राजीनामा मागितला जात आहे. राज्यात ही परिस्थिती असताना मुंबई पोलीस दलाच्या कायदा आणि सुव्यवस्था विभागाचे सहआयुक्त विश्वास नांगरे पाटल यांनी राष्ट्रवादी काँग्रेस पक्षाचे अध्यक्ष शरद पवार यांची भेट घेतली. या भेटीमुळे राजकीय वर्तुळात चर्चा सुरू झाली आहे. (joint commissioner of police vishwas nangre patil meets ncp leader sharad pawar)

शरद पवार आणि विश्वास नांगरे पाटील यांच्या भेटीबाबत सूत्रांनी दिलेल्या माहितीनुसार, या दोघांची राज्यातील कायदा आणि सुव्यवस्थेसंदर्भात चर्चा झाली. त्याच प्रमाणे डेलकर, मनसुख हिरन आणि वाझे प्रकरणावर देखील या भेटीत चर्चा झाल्याचे सूत्रांनी सांगितले. त्याच प्रमाणे प्रसिद्ध उद्योगपती मुकेश अंबानी याच्या घराबाहेर स्फोटके भरलेली कार पार्क करण्यात आली होती. या प्रकरणावर देखील दोघांची चर्चा झाल्याचे सूत्रांचे म्हणणे आहे. नांगरे पाटील हे पवार यांना त्यांच्या सिल्व्हर ओक या निवासस्थानी भेटले. दोघांमध्ये सुमारे अर्धा तास चर्चा झाल्याचे समजते.

मुकेश अंबानी यांच्या निवासस्थानी स्फोटके भरलेली कार सापडणे आणि त्यानंतर मनसुख हिरन यांचा मृत्यू होणे आणि त्यात पोलिस अधिकारी सचिन वाझे यांच्यावर आरोप होणे यामुळे हे प्रकरण अधिक गुंतागुंतीचे झाले आहे. सचिन वाझे यांचा या प्रकरणाशी कशा प्रकारचा संबंध आहे यावर पवार आणि नांगरे पाटील यांच्यात चर्चा झाल्याचे सूत्रांनी सांगितले.

क्लिक करा आणि वाचा- ‘मनसुख हिरन मृत्यूप्रकरणी सरकार गंभीर, दोषींवर कारवाई होणारच’

या भेटीत पवार यांनी डेलकर आत्महत्या प्रकरणाची चर्चा केली असावी असेही बोलले जात आहे. शरद पवार हे मुख्यमंत्री उद्धव ठाकरे यांचीही भेट घेणार असल्याचे समजते.

क्लिक करा आणि वाचा- मुख्यमंत्री उद्धव ठाकरे हे सचिन वाझेंचे वकील वाटतात: फडणवीस
क्लिक करा आणि वाचा- सचिन वाझे यांचा पाठलाग करणारी ‘ती’ कार कोणाची?

[ad_2]

Source link

Leave a Comment