ACP Ramesh Nangare Death Of Heart Attack – Ramesh Nangare: धारावी पॅटर्न चर्चेत आणणारे ACP नांगरे यांचे निधन; २ दिवसांपूर्वी घेतली होती करोनावरील लस | Maharashtra Times

[ad_1]

हायलाइट्स:

  • सहायक पोलीस आयुक्त रमेश नांगरे यांचे हृदयविकाराच्या झटक्याने निधन
  • धारावीतील कोविड युद्धात नांगरे यांनी बजावली होती मोलाची कामगिरी.
  • कोविड योद्धा रमेश नांगरे यांनी दोन दिवसांपूर्वीच घेतली होती करोनावरील लस.

मुंबई : करोना संसर्गाचा मुंबईतील सर्वात मोठा हॉटस्पॉट ठरलेल्या धारावी भागात करोनाचा फैलाव रोखण्यासाठी झटणारे धारावीचे तत्कालीन वरिष्ठ पोलीस निरीक्षक आणि सध्या साकिनाका येथे नेमणुकीस असलेले सहायक पोलीस आयुक्त रमेश नांगरे यांचे हृदयविकाराच्या झटक्याने आज निधन झाले. दोनच दिवसांपूर्वी रमेश नांगरे यांनी करोनावरील लस घेतली होती. दरम्यान, नांगरे यांच्या निधनाबद्दल मुंबई पोलीस दलातून तीव्र शोक व्यक्त करण्यात येत आहे. ( ACP Ramesh Nangare Death Latest News )

वाचा: मोठी बातमी! उद्धव ठाकरेंनी दिले लॉकडाऊनचे संकेत

कर्तव्यदक्ष आणि धडाकेबाज पोलीस अधिकारी अशी ओळख असलेले रमेश नांगरे यांनी करोना काळात धारावीत झोकून देऊन काम केले होते. आशियातील सर्वात मोठी झोपडपट्टी असलेल्या धारावीत गेल्यावर्षी करोनाचा शिरकाव झाल्यानंतर सर्वच यंत्रणांपुढे आव्हान उभे ठाकले होते. धारावीतील करोना नियंत्रणात कसा आणायचा हा पालिका, पोलीस दल आणि सरकार या सर्वांनाच प्रश्न पडला होता. मात्र, या सर्व यंत्रणांनी समन्वयाने आणि नियोजनबद्धपणे काम केले.

वाचा: नागपुरात कडक लॉकडाऊन; पाहा नेमकं काय बंद राहणार?

ट्रेसिंग, टेस्टिंग आणि ट्रीटमेंट ही त्रिसूत्री अवंबलबत मिशन धारावी सुरू करण्यात आले. त्यात प्रशासन व आरोग्य विभागाला पोलिसांची मोठी साथ लाभली. धारावी पोलीस ठाण्यात तेव्हा वरिष्ठ पोलीस निरीक्षक या पदावर रमेश नांगरे हे कार्यरत होते. त्यांनी स्वत: फिल्डवर उतरत आपल्या सहकाऱ्यांना बळ दिलेच पण धारावीकरांमध्ये जनजागृती करण्याचे मोठे काम केले. लॉकडाऊन, संचारबंदी याबाबतच्या नियमांचे काटेकोरपणे पालन होण्यासाठी नांगरे यांनी संपूर्ण परिसरावर करडी नजर ठेवली. झोपडपट्टीत अगदी गल्लीबोळात फिरून त्यांनी शिस्तीचा बडगा उगारला. महत्त्वाची बाब म्हणजे करोनाग्रस्त धारावीत सेवा बजावत असताना त्यादरम्यान धारावी पोलीस ठाण्यातील एकूण ३३ पैकी ३२ पोलिसांना करोनाची लागण झाली होती. या सर्व पोलिसांनी करोनावर मात करण्यात यश मिळवले होते. या लढ्यातही रमेश नांगरे यांनी महत्त्वाची भूमिका निभावली होती. आपले सहकारी करोनाच्या विळख्यातून बाहेर पडावेत म्हणून त्यांनी केलेली धडपड व नियोजन कौतुकास्पदच होते.

वाचा: मुख्यमंत्री उद्धव ठाकरेंनी घेतला कोविड लशीचा पहिला डोस; दिला सकारात्मक संदेश

धारावी पॅटर्नचे कौतुक जगभरात करण्यात आले आहे. त्यात रमेश नांगरे यांचेही मोठे योगदान होते. त्यासाठीच कोविड योद्धा म्हणून रमेश नांगरे यांचा गौरव करण्यात आला होता. गृहमंत्री अनिल देशमुख यांनी रमेश नांगरे यांच्या कामगिरीचे कौतुक करताना करोना काळात धारावीमध्ये केलेल्या कामाबद्दल सत्कारही केला होता.

वाचा: ‘अंबानींच्या घरावरील हेलिपॅडला परवानगी मिळावी म्हणून हे भाजपचे षडयंत्र’

[ad_2]

Source link

Leave a Comment