hardik patel sharad pawar latest news: Hardik Patel: हार्दिक पटेल अचानक शरद पवारांच्या भेटीला; राजकीय वर्तुळात होतेय ‘ही’ चर्चा – hardik patel meets ncp chief sharad pawar in mumbai

[ad_1]

हायलाइट्स:

  • गुजरात काँग्रेसचे कार्याध्यक्ष हार्दिक पटेल शरद पवार यांच्या भेटीला.
  • मुंबईत सिल्व्हर ओक येथे पवारांशी २० मिनिटं केली चर्चा.
  • शरद पवार-हार्दिक पटेल भेटीनंतर राजकीय वर्तुळात चर्चांना उधाण.

मुंबई:गुजरात काँग्रेसचे कार्याध्यक्ष व पाटीदार नेता हार्दिक पटेल यांनी आज मुंबईत सिल्व्हर ओक या निवासस्थानी राष्ट्रवादी काँग्रेसचे सर्वेसर्वा शरद पवार यांची भेट घेतली. गुजरातमध्ये नुकत्याच झालेल्या पालिका निवडणुकीत काँग्रेसला मोठ्या पराभवाचा सामना करावा लागला होता. त्यानंतर पटेल यांनी आपली नाराजी उघडपणे बोलून दाखवली होती. या पार्श्वभूमीवर पटेल यांच्या पवार भेटीचे अनेक अर्थ काढले जात आहेत. ( Hardik Patel Meets NCP Chief Sharad Pawar Latest News )

वाचा: धारावी पॅटर्न चर्चेत आणणारे ACP नांगरे कालवश; २ दिवसांपूर्वी घेतली होती लस

हार्दिक पटेल यांनी आज सकाळी शरद पवार यांची भेट घेतली. सुमारे २० मिनिटं त्यांनी पवार यांच्याशी चर्चा केली. या भेटीची गुजरातपासून मुंबईपर्यंत राजकीय वर्तुळात जोरदार चर्चा सुरू आहे. या भेटीतील चर्चेचा अधिकृत तपशील मिळाला नसला तरी गुजरातमधील सध्याची राजकीय स्थिती, पुढच्या वर्षी होणाऱ्या गुजरात विधानसभेच्या निवडणुका, आरक्षण हे मुद्दे चर्चेत होते, असे कळते. दादरा आणि नगर हवेलीचे खासदार मोहन डेलकर यांनी मुंबईत आत्महत्या केल्याने ते प्रकरण सध्या गाजत आहे. याप्रकरणी महाराष्ट्र सरकारने एसआयटी चौकशीचे आदेश दिलेले आहेत. याबाबत एक ट्वीट करून हार्दिक यांनी महाराष्ट्र सरकारच्या निर्णयाचे स्वागत केले होते व भाजपवर टीका केली होती. याबाबतही या भेटीत चर्चा झाल्याचे सांगण्यात येत आहे.

वाचा: मोठी बातमी! उद्धव ठाकरेंनी दिले लॉकडाऊनचे संकेत

हार्दिक पटेल काँग्रेसमध्ये अस्वस्थ?

गुजरातमधील प्रमुख महापालिकांच्या नुकत्याच निवडणुका झाल्या. त्यात भाजपचा मोठा विजय झाला आहे तर काँग्रेसला पराभवाचा धक्का बसला आहे. या निकालांनंतर गुजरात काँग्रेसमध्ये कमालीची अस्वस्थता वाढली आहे. त्यात कार्याध्यक्ष असलेल्या हार्दिक पटेल यांनी आपली नाराजी उघडपणे बोलून दाखवली आहे. काँग्रेसकडून माझ्या नेतृत्वाला गुजरातमध्ये योग्य संधी दिली गेली नाही. पालिका निवडणुकीत माझी एकही सभा घेतली गेली नाही आणि पक्षाच्या कोणत्याच प्रमुख नेत्याने मला प्रचारासाठी बोलावले नाही, अशा शब्दांत पटेल यांनी आपली नाराजी व्यक्त केली होती. या पार्श्वभूमीवर पटेल यांनी घेतलेली शरद पवारांची भेट अधिक महत्त्वाची ठरली आहे. गुजरातमध्ये राष्ट्रवादीच्या विस्तारासाठी हार्दिक पटेल यांना पक्षात घेण्याच्या हालचाली सुरू आहेत का?, हार्दिक पटेल काँग्रेसची साथ सोडून गुजरातेत राष्ट्रवादीचे घड्याळ हाती बांधणार का?, असे प्रश्नही यानिमित्ताने चर्चिले जाऊ लागले आहेत. पवार यांच्या भेटीआधी हार्दिक यांनी आमदार रोहित पवार यांचीही भेट घेतली होती, असे सांगण्यात येत आहे.

वाचा: नागपुरात कडक लॉकडाऊन; पाहा नेमकं काय बंद राहणार?

[ad_2]

Source link

Leave a Comment