Mohan Delkar Suicide Case Latest Updates: Mohan Delkar Suicide: मोहन डेलकर आत्महत्या प्रकरण तापलं; सुप्रिया सुळे यांचं लोकसभाध्यक्षांना पत्र – mohan delkars suicide strike on dignity of parliament supriya sule to speaker

[ad_1]

हायलाइट्स:

  • मोहन डेलकर यांच्या आत्महत्येवर सुप्रिया सुळे यांनी व्यक्त केली चिंता.
  • लोकसभेचे अध्यक्ष ओम बिर्ला यांची भेट घेऊन दिले विनंती पत्र.
  • डेलकर यांनी केलेल्या आरोपांची विशेषाधिकार समितीमार्फत चौकशी करा.

मुंबई: दादरा आणि नगर हवेलीचे खासदार मोहन डेलकर यांच्या आत्महत्येची महाराष्ट्र सरकारने एसआयटी मार्फत चौकशी सुरू केली असतानाच राष्ट्रवादी काँग्रेसच्या खासदार सुप्रिया सुळे यांनी याप्रकरणी लोकसभेचे अध्यक्ष ओम बिर्ला यांचे लक्ष वेधले आहे. प्रमुख विरोधी पक्षांच्या खासदारांसह सुप्रिया सुळे यांनी आज लोकसभा अध्यक्षांची भेट घेतली व त्यांना आपल्या मागणीचे पत्र दिले. ( Mohan Delkar Suicide Case Latest Updates )

वाचा: खासदार मोहन डेलकर यांना आत्महत्येस प्रवृत्त केल्याप्रकरणी मुंबईत गुन्हा

खासदार मोहन डेलकर यांनी मुंबईत येऊन आत्महत्या केल्याने खळबळ उडाली आहे. डेलकर यांनी सुसाइड नोटमध्ये दादरा आणि नगर हवेली येथील प्रशासकांवर गंभीर आरोप केले आहेत. या घटनेवरून महाराष्ट्राच्या विधीमंडळात मंगळवारी जोरदार खडाजंगी पाहायला मिळाली. त्यानंतर याप्रकरणी राज्याचे गृहमंत्री अनिल देशमुख यांनी एसआयटी मार्फत चौकशीची घोषणा केली. या पार्श्वभूमीवर सुप्रिया सुळे यांनी थेट लोकसभा अध्यक्षांना आज प्रत्यक्ष भेटून याबाबत पत्र दिल्याने हा मुद्दा चांगलाच तापण्याची चिन्हे आहेत. या पत्रावर काँग्रेस, समाजवादी पार्टी, शिवसेना, तृणमूल काँग्रेस, द्रमुक, बसपा खासदारांच्या स्वाक्षऱ्या असून आज अखिलेश यादव, फारूख अब्दुल्ला, अरविंद सावंत, विनायक राऊत हे खासदार सुप्रिया सुळे यांच्यासोबत होते.

वाचा: सचिन वाझे यांना लक्ष्य केलं जातंय?; राऊतांनी व्यक्त केली ‘ही’ शंका

लोकसभा अध्यक्षांना लिहिलेल्या पत्रात सुप्रिया सुळे यांनी या घटनेवर तीव्र चिंता व्यक्त केली आहे. मोहन डेलकर यांच्या रूपाने आम्ही लोकसभेतील आमचा एक सहकारी गमावला आहे. त्यांचा मृत्यू म्हणजे केवळ एका जीवनाचा अंत नसून तो संसदेच्या प्रतिष्ठेवर झालेला आघात आहे. संसद सदस्याला दबावाशिवाय आणि भयमुक्त वातावरणात काम करता आलं पाहिजे. तरच संसद सर्वोच्च आहे या म्हणण्याला अर्थ असेल, असे नमूद करत सुप्रिय यांनी पत्रात गंभीर मुद्द्याकडे लक्ष वेधले.

वाचा: ‘राठोडांच्या राजीनाम्याचा निर्णय होतो मग, वाझेंना संरक्षण का?’

लोकसभेचे सातवेळा खासदार राहिलेले मोहन डेलकर तणावाखाली होते, असे नमूद करताना डेलकर यांच्या लोकसभेतील अखेरच्या भाषणाचा सुप्रिया यांनी दाखला दिला. दादरा आणि नगर हवेली येथील प्रशासकांकडून डेलकर यांच्यावर दबाव टाकण्यात येत होता, त्यांना अपमानित करण्यात येत होते. याबाबत त्यांनी आपली वेदना सप्टेंबर २०२० मध्ये लोकसभेत बोलून दाखवली होती. त्याच तणावातून त्यांनी आत्महत्येचे टोकाचे पाऊल उचलले असून याची गंभीर दखल आपण घ्यावी, अशी विनंती सुळे यांनी पत्रात केली आहे. भविष्यात अशा घटना घडणार नाहीत यासाठी डेलकर यांनी लोकसभेत जे गंभीर आरोप केले आहेत त्याची चौकशी व्हायला हवी. त्यासाठी हे प्रकरण विशेषाधिकार समितीकडे पाठवण्यात यावे, असेही सुळे यांनी पत्रात नमूद केले आहे.

वाचा: मनसुख हिरन यांच्या पत्नीचा आरोप; सचिन वाझे यांनी दिले ‘हे’ उत्तर

महाराष्ट्र सरकारने याप्रकरणी एसआयटी चौकशीचे आदेश दिले आहेत. तरी विशेषाधिकार समितीमार्फत होणाऱ्या चौकशीचा एसआयटीमार्फत होणाऱ्या चौकशीवर कोणताही परिणाम होणार नाही, असे सुप्रिया यांनी पत्रात नमूद केले आहे. संसद सदस्य त्याचे कर्तव्य बजावत असताना त्यात अडथळे आणले गेले, या मुद्द्यावर विशेषाधिकार समितीची चौकशी असेल, असेही सुळे यांनी अधोरेखित केले. एसआयटी मार्फत योग्य ती चौकशी होईल आणि निश्चितपणे डेलकर यांना न्याय मिळेल असा विश्वासही सुळे यांनी पत्रात व्यक्त केला.

वाचा: मोहन डेलकर आत्महत्या प्रकरणाचा तपास एसआयटीकडे; गृहमंत्र्यांची मोठी घोषणा

[ad_2]

Source link

Leave a Comment