Nana Patole on Land Given to Baba Ramdev: Ramdev Baba and Anil Ambani Will Use Land Given By Government, Asks Nana Patole In Vidhan Sabha – रामदेवबाबा, अनिल अंबानींना ‘मिहान’मध्ये जमीन; नाना पटोलेंचा सरकारला ‘हा’ सवाल | Maharashtra Times

[ad_1]

हायलाइट्स:

  • मिहान प्रकल्पातील जमिनींच्या वाटपावरून नाना पटोलेंचा सरकारला सवाल
  • रामदेव बाबा व अनिल अंबानींना दिलेल्या जागेवर अद्याप उद्योग का उभे राहिलेले नाहीत? – पटोले
  • चौकशी करून कारवाई करण्याचे सरकारचे आश्वासन

मुंबई: रामदेव बाबांच्या पतंजली समूहाच्या हर्बल अँड फूड पार्कसाठी तसेच अनिल अंबानीच्या उद्योगासाठी नागपूरच्या मिहान प्रकल्पामध्ये राज्य सरकारने नाममात्र दराने जमीन दिली होती, परंतु त्या जागेवर अद्याप उद्योग उभे राहिलेले नाहीत. शेतकऱ्यांची लाखमोलाची जमीन कवडीमोल भावाने देऊनही त्यावर अद्याप उद्योग का उभे राहिले नाहीत? त्या जमिनीवर उद्योग कधी उभे राहणार?, असा प्रश्न काँग्रेसचे प्रदेशाध्यक्ष नाना पटोले यांनी विधानसभेत उपस्थित केला.

वाचा: ‘मुंबई पोलिसांबद्दल फडणवीस असं कसं बोलू शकतात?’

मिहान प्रकल्पामधील २३० एकर जमिनीवर रामदेवबाबांचा पतंजली समूह हर्बल अँड फूड पार्कची निर्मिती करणार होता. रामदेवबाबांना ही जमीन ६६ वर्षांसाठी अतिशय कवडीमोल भावात दिली होती. या उद्योगामुळे ५० हजार रोजगार निर्मिती होईल तसेच दररोज ५ हजार कोटींचा कच्चा माल खरेदी केला जाईल, असा दावा करण्यात आला होता. परंतु चार वर्षे झाली तरी अद्याप या जागेवर पतंजलीचा उद्योग उभा राहिलेला नाही. अनिल अंबानी यांच्या रिलायन्स डिफेन्स कंपनीसाठीही मिहानमध्ये २८९ एकर जमीन देण्यात आली आहे. या उद्योगातूनही प्रत्यक्ष २००० तर अप्रत्यक्ष १५ हजार रोजगार निर्मिती होईल असा दावा करण्यात आला होता पण हा प्रकल्पही अद्याप उभा राहिलेला नाही,’ हे पटोले यांनी निदर्शनास आणलं.

वाचा: …म्हणूनच मला अटक होण्याची भीती वाटते: एकनाथ खडसे

उद्योगमंत्री सुभाष देसाई यांनी पटोले यांच्या प्रश्नाला उत्तर दिले. ‘रामदेवबाबा व अनिल अंबानी यांच्यासह ज्यांना ज्यांना उद्योग निर्मितीसाठी सरकारने जमिनी उपलब्ध करून दिल्या पण त्या जागेवर उद्योग उभे राहिले नाहीत त्याची माहिती घेऊन योग्य ती कारवाई करू,’ असं देसाई यांनी सांगितलं.

वाचा: ठाकरे सरकारचा मोठा निर्णय; सचिन वाझेंना क्राइम ब्रँचमधून हलवले

[ad_2]

Source link

Leave a Comment