raj thackeray: महापौर किशोरी पेडणेकरांची राज ठाकरेंना हात जोडून ‘ही’ विनंती – mumbai mayor kishori pednekar requested raj thackeray to wear a mask

[ad_1]

मुंबई: कोरोनाचे (Coronavirus) संकट गडद होत असताना देखील आपण मास्क (Mask) घालणार नाही, अशी भूमिका महाराष्ट्र नवनिर्माण सेनेचे (MNS) अध्यक्ष राज ठाकरे (Raj Thackeray) यांनी घेतली आहे. त्यानंतर मुंबई (Mumbai) आणि महाराष्ट्रात पुन्हा करोनाने डोके वर काढल्याने सगळीकडे चिंतेचे वातावरण आहे. अशात मुंबईच्या प्रथम नागरिक असलेल्या महापौर किशोरी पेडणेकर (Kishori Pednekar) यांनी राज ठाकरे यांना हात जोडून विनंती केली आहे. ‘राजसाहेब, कृपया मास्क घाला’, अशी विनंती महापौरांनी केली आहे. (mumbai mayor kishori pednekar requested raj thackeray to wear a mask)

राज ठाकरे यांना विनंती करताना महापौर पेडणेकर म्हणाल्या की, ‘आमच्या कुंदा वहिनी वयस्कर आहेत. राजसाहेब, कृपया मास्क घाला. काही नेते मास्क घालत नाहीत. माझी राज ठाकरे यांना हात जोडून विनंती आहे, की त्यांनी मास्क घालावा.’

महापौर राज ठाकरे यांना विनंती करताना पुढे म्हणाल्या की, कोरोना कोणालाही सोडत नाही. जर आपण बाधित झालात, तर इतरही बाधित होण्याची शक्यता आहे. आपल्या घरी आपल्या आई, म्हणजे आमच्या कुंदा वहिनी आहेत. त्या वयस्कर आहेत. त्यामुळे थोडीशी आपणही काळजी घ्या. तुम्हाला अनेक जण फॉलो करतात. तुम्ही अनेकांसाठी अमूल्य आहात, तुम्ही अनेकांचे आयडॉल आहात.

मला राज ठाकरे यांच्यावर कारवाई करण्याचे अधिकार नाहीत. कारवाई ही प्रशासन करेल, पण मी मात्र विनंती करते, असेही त्या पुढे म्हणाल्या.

क्लिक करा आणि वाचा- रॅपिड ॲन्टीजेन चाचणीचे अहवाल बनावट; ११ प्रयोगशाळांची मान्यता रद्द

दरम्यान, राज ठाकरे यांच्या मातोश्री कुंदा ठाकरे आणि बहीण जयजयवंती देशपांडे यांनी दोनच दिवसांपूर्वी कोविड प्रतिबंधक लस टोचून घेतली. यावेळी राज ठाकरे यांच्या पत्नी शर्मिला ठाकरे या देखील उपस्थित होत्या.

क्लिक करा आणि वाचा- करोनाकाळात ‘ही’ देवस्थाने बंद; मार्ग काढत भाविकांची ‘या’ मंदिरात धाव

महाराष्ट्र नवनिर्माण सेनेने मराठी भाषा दिनाचे औचित्य साधत मुंबईतील दादर येथील छत्रपती शिवाजी महाराज पार्कात कार्यक्रमाचे आयोजन केले होते. या कार्यक्रमाला मनसे अध्यक्ष राज ठाकरे उपस्थित झाले होते. त्यावेळी त्यांनी तोंडाला मास्क लावलेला नव्हता. त्यावेळी तुम्हा मास्क लावलेला नाही, असे पत्रकारांनी राज ठाकरे यांना विचारले. त्यावर उत्तर देताना राज ठाकरे म्हणाले की, मी मास्क घालतच नाही, तुम्हालाही सांगतोय.

क्लिक करा आणि वाचा- मुख्यमंत्री उद्धव ठाकरेंनी घेतला कोविड लशीचा पहिला डोस; दिला सकारात्मक संदेश

यावर पत्रकारांनी मुख्यमंत्री उद्धव ठाकरे यांची प्रतिक्रिया विचारली होती. त्यावेळी त्यांना माझा नमस्कार, असे उत्तर मुख्यमंत्री ठाकरे यांनी दिले होते.

[ad_2]

Source link

Leave a Comment