Tempo Accident at Parner: द्राक्ष घेऊन जाणाऱ्या भरधाव टेम्पोचे ब्रेक अचानक फेल झाले आणि… – one dead, 4 injured in tempo accident at parner, ahmednagar

[ad_1]

हायलाइट्स:

  • पारनेर तालुक्यातील कान्हूपठार येथे ट्रेम्पोचे ब्रेक फेल होऊन अपघात
  • द्राक्ष घेऊन जात असताना झाला अपघात
  • अपघातात एक ठार, तर तीन जखमी. अन्य वाहनांचे मोठे नुकसान

अहमदनगर: द्राक्ष घेऊन जाणाऱ्या एका टेम्पोचे ब्रेक झाल्याने त्याने रस्त्याच्या कडेला असलेल्या बस स्थानकाला धडक दिली. यामध्ये एक जण ठार तर चार जण जखमी झाले. बसस्थानक आणि तेथे उभ्या अन्य वाहनांचे मोठे नुकसान झाले आहे. पोलिसांनी टेम्पोचालकाला अटक केली. बुधवारी रात्री कान्हूरपठार गावात हा अपघात झाला.

वाचा: लोकलमध्ये विनामास्क फिरणे मुंबईकरांना पडतेय महाग

श्रीगोंदा तालुक्यातून द्राक्ष घेऊन टेम्पो (एम एच १५ डीके ६३८९) नाशिककडे निघाला होता. पारनेर तालुक्यातून जात असताना कान्हूरपठार गावात टेम्पोचे ब्रेक फेल झाले. त्यामुळे चालकाचे नियंत्रण सुटले. टेम्पो रस्त्याच्या कडेला असलेल्या बस स्थानकात शिरला. तेथे काही लोक उभे होते, तर रस्त्यावर अन्य वाहने उभी होती. टेम्पोची धडक बसल्याने राहुल शिवराम पवार (वय १७ वडगाव दर्या) हा युवक जागीच ठार झाला. याशिवाय अतुल शिवराम घुले (वय ५० रा. पिंपळगाव रोठा, ता. पारनेर), सतीश शिंदे (वय १४) गणेश आबा रोकडे (वय २० रा. वडगाव सावताळ), प्रकाश राजु पवार (वय ३८ रा. वासुंदे, ता. पारनेर) हे जखमी झाले आहेत. पोलिसांनी टेम्पो चालक अतुल प्रजापती याला अटक केली.

वाचा: वीज बिल थकवणाऱ्या शेतकऱ्यांना राज्य सरकारचा झटका

द्राक्ष घेऊन जाणारा हा टेम्पो वेगाने जात असताना ब्रेक झाले. गावातील बसस्थानक परिसरातच ही घटना घडल्याने तेथे वर्दळ होती. टेम्पोची धडक बसल्याने बस स्थानकाचे मोठे नुकसान झाले आहे. याशिवाय तेथे उभ्या असलेल्या दुचाकी वाहनांचेही नुकसान झाले आहे. पारनेरचे पोलीस निरीक्षक घन:श्याम बळप आपले सहकारी अधिकारी विजयकुमार बोत्रे, बालाजी पद्मने यांच्यासह घटनास्थळी दाखल झाले. त्यांनी जखमींना उपचारासाठी रुग्णालयात हलविले. वाहतुकीसाठी रस्ता मोकळा करून दिला. रस्त्यावर अतिक्रमणे वाढल्याने वाहतुकीस अडथळा होत असल्याकडे ग्रामस्थांनी अधिकाऱ्यांचे लक्ष वेधले. बसस्थानकाला न धडकता टेम्पो तशाच अवस्थेत पुढे गेला असता तर मोठा अनर्थ घडला असता, असे सांगण्यात आले.

वाचा: अधिवेशनाच्या शेवटच्या दिवशी अजित पवारांनी आमदारांना केले खूश

[ad_2]

Source link

Leave a Comment