Uddhav Thackeray: नाणार रिफायनरी प्रकल्प होणार का?; उद्धव ठाकरेंनी प्रश्नच निकाली काढला – refinery project will be shifted from nanar, says cm uddhav thackeray

[ad_1]

म. टा. विशेष प्रतिनिधी, मुंबई

‘नाणार प्रकल्पाला स्थानिकांचा विरोध असल्यानेच तेथून प्रकल्प हटविण्यात आला असून, त्या ठिकाणी रिफायनरी न करण्याचा निर्णय आधीच झालेला आहे,’ असे सांगून बुधवारी मुख्यमंत्री उद्धव ठाकरे यांनी याबाबतचा प्रश्न निकाली काढला. रिफायनरीला नाणारऐवजी दुसरी पर्यारी जागा देणार आहे. मात्र, हा प्रकल्प राज्याबाहेर जाऊ देणार नाही, अशी भूमिकाही त्यांनी मांडली.

‘आम्हाला वाटते म्हणून एखाद्या उद्योगाला विरोध किंवा पाठिंबा देत नाही. यापूर्वी स्थानिकांचा विरोध असल्यामुळेच आम्ही तेथून प्रकल्प दुसरीकडे हलविण्याचा निर्णय घेतला होता. आम्ही जनतेला बांधील आहोत. त्यामुळे आता कोणाला स्वागत करायचे असेल, तर ते करू शकतात. पण, हा प्रकल्प नाणारऐवजी अन्य ठिकाणी होईल, असे ते म्हणाले.

वीज बिल थकबाकी: अखेर राज्य सरकारनं ‘तो’ निर्णय घेतलाच!

मनसुख हिरेन प्रकरणाचा तपास योग्य पद्धतीने सुरू आहे. मात्र, सचिन वाझे हे ओसामा बिन लादेन असल्याचे जे काही चित्र तयार केले जात आहे ते योग्य नाही. सर्व प्रकरणाचा तपास निष्पक्षपातीपणे होईल आणि कुणी दोषी आढळला तरी दयामाया न दाखवता कारवाई होईल. मात्र, तपासाआधीच फाशी देणे योग्य नाही, असेही मुख्यमंत्री म्हणाले. कोणत्याही मृत्यू प्रकरणाची गांभीर्याने दखल घेणे हे सरकारचे काम आहे. मोहन डेलकर यांनी आत्महत्या केली असून त्यांच्याकडे सुसाइड नोट सापडली आहे. त्यात काही लोकांची नावे आहेत. त्याचाही तपास सुरू आहे. परंतु, एखाद्याला लक्ष्य करून त्याला आयुष्यातून उठवायचे, अशी पद्धत सध्या सुरू आहे. परंतु, डेलकर किंवा हिरेन प्रकरणात जे दोषी असतील त्यांच्यावर कारवाई करणारच. कुणालाही पाठीशी घालणार नाही, असे मुख्यमंत्र्यांनी स्पष्ट केले.

वाचा: अधिवेशनाच्या शेवटच्या दिवशी अजित पवारांनी केले आमदारांना खूश

प्रत्येक गोष्टीसाठी यंत्रणा असते. एखादा गुन्हा किंवा घटना किंवा दुर्घटना घडली असेल, त्याबाबत शंका असेल, तर आपल्याकडे अनेक यंत्रणा आहेत. जर यांच्या यंत्रणा भारी असतील, तर पोलिस यंत्रणा रद्द करायची का, असा सवाल त्यांनी केला. या वेळी मुख्यमंत्री ठाकरे यांनी विरोधकांवर सडकून टीका केली. अर्णव गोस्वामींना अटक केली म्हणून वाझेंना अडकवताय का, असा सवालही त्यांनी केला. डेलकर प्रकरणातील संबंधित लोक भाजपचे मंत्री होते, तसा सचिन वाझे काही आमचा मंत्री नव्हता, असेही ते म्हणाले. वाझे २००८मध्ये सेनेत होते. त्यांनी पुन्हा सदस्यत्व घेतलेले नाही. त्यांचा शिवसेनेशी काहीही थेट संबंध नाही. राज्य सरकारकडे जसे तारतम्य आहे, तसे विरोधकांनीही बाळगले पाहिजे, असे त्यांनी सांगितले.

‘महाराष्ट्र कधीही थांबणार नाही’

अधिवेशन घेणे करोना काळात आव्हानात्मक होते. पण नियम पाळून अधिवेशन घेतले. विरोधकांनीही उत्तम सहकार्य केलं. परवा अर्थसंकल्प सादर केला. आव्हानात्मक स्थिती असतानाही हा अर्थसंकल्प सादर करण्यात आला. तरीही रडगाणे न गाता ‘महाराष्ट्र कधी थांबला नाही आणि थांबणार नाही’, हे आपले ब्रीद वाक्य आहे. त्यानुसार सर्व घटकांना आपण सामावून घेण्याचा, त्यांना न्याय देण्याचा प्रयत्न केला आहे, असे ठाकरे यांनी सांगितलं.

नियम पाळू या

लॉकडाउन आम्हालाही नको आहे, पण तो टाळण्यासाठी जे आवश्यक आहे ते आपण सर्वांनी करायला हवे. आजही आपल्या हातात परिस्थिती आहे, त्यामुळे आपण सर्व नियमांचे पालन करूया, असे आवाहनही मुख्यमंत्री ठाकरे यांनी केले. आमच्या तिन्ही पक्षात एकमत असून आम्ही तिघेजण विधानसभाध्यक्ष कधी निवडायचा याची तारीख ठरवू, असे उपमुख्यमंत्री अजित पवार यांनी एका प्रश्नावर उत्तर देताना सांगितले.

– आमची बांधिलकी जनतेशी असल्याचे सांगणे

– गुन्हेगारांना पाठीशी घालणार नसल्याचे स्पष्टीकरण

– वाझे ओसामा बिन लादेन असल्यासारखे चित्र दुर्दैवी असल्याचे मत

वाचा: लोकलमध्ये विनामास्क फिरणे मुंबईकरांना पडतेय महाग

[ad_2]

Source link

Leave a Comment