Uddhav Thackeray: ‘मनसुख हिरन मृत्यूप्रकरणी सरकार गंभीर, दोषींवर कारवाई होणारच’ – action will be taken against the culprits in mansukh heren death case says chief minister uddhav thackeray

[ad_1]

हायलाइट्स:

  • मनसुख हिरन संशयास्पद मृत्यूप्रकरण सरकारने गांभिर्याने घेतले असून या प्रकरणात जो दोषी असेल त्याच्यावर कारवाई होईल, असे मुख्यमंत्री उद्धव ठाकरे यांनी स्पष्ट केले आहे.
  • सचिन वाझे हे पूर्वी शिवसेनेत होते, मात्र त्यानंतर त्यांनी सदस्यत्वाची नुतनीकरण केलेले नाही. आता त्यांचा शिवसेनेशी काहीच संबंध नाही, असेही मुख्यमंत्री ठाकरे यांनी स्पष्ट केले आहे.
  • महाविकास आघाडीमधील पक्ष एकत्रितपणे पुढील विधानसभेच्या अध्यक्षपदाबाबत निर्णय घेऊ, असे उपमुख्यमंत्री आणि अर्थमंत्री अजित पवार यांनी सांगितले.

मुंबई: मनसुख हिरन संशयास्पद मृत्यूप्रकरण (Mansukh Hiren Death Case) सरकारने गांभिर्याने घेतले असून या प्रकरणात जो दोषी असेल त्याच्यावर कारवाई होईल, असे मुख्यमंत्री उद्धव ठाकरे (Uddhav Thackeray) यांनी स्पष्ट केले आहे. सचिन वाझे हे पूर्वी शिवसेनेत होते, मात्र त्यानंतर त्यांनी सदस्यत्वाची नुतनीकरण केलेले नाही. आता त्यांचा शिवसेनेशी काहीच संबंध नाही, असेही मुख्यमंत्री ठाकरे यांनी स्पष्ट केले आहे. (action will be taken against the culprits in mansukh heren death case says chief minister uddhav thackeray)

विधीमंडळाचे अर्थसंकल्पीय अधिवेशन संस्थगित झाल्यानंतर मुख्यमंत्री उद्धव ठाकरे पत्रकारांशी संवाद साधत होते. त्यावेळी त्यांच्यावर मनसुख हिरन संशयास्पद मृत्यू प्रकरणावर प्रश्नांची सरबत्ती करण्यात आली. मनसुख हिरन मृत्यूप्रकरणावर आधी फाशी द्या आणि मग तपास करा असे करता येणार नाही, असे सांगत सचिन वाझे म्हणजे ओसामा बिन लादेन नाही. जो दोषी असेल त्याच्यावर कारवाई होणारच, असे मुख्यमंत्री उद्धव ठाकरे यांनी स्पष्ट केले.

हल्ली एखादी घटना घडली की एखाद्याचे चारित्र्यहनन करायचे, त्याला आयुष्यातून उठवायचे अशी पद्धत झालेली आहे. आधी चौकशी करायची नाही, त्या अगोदरच एखाद्याला दोषी ठरवायचे असे कसे होऊ शकेल, असे मुख्यमंत्री म्हणाले.

आम्ही तिघे ठरवू तेव्हा विधानसभेचा अध्यक्ष निवडला जाईल

महाविकास आघाडीच्या सर्व घटक पक्षांमध्ये कोणतेही मतभेद नसून आम्ही महाविकास आघाडीमधील पक्ष एकत्रितपणे पुढील विधानसभेच्या अध्यक्षपदाबाबत निर्णय घेऊ, असे उपमुख्यमंत्री आणि अर्थमंत्री अजित पवार यांनी सांगितले.

राज्याच्या अर्थसंकल्पीय अधिवेशन आज संस्थगित झाले. त्यानंतर मुख्यमंत्री उद्धव ठाकरे आणि उपमुख्यमंत्री अजित पवार यांनी प्रसारमाध्यमांशी संवाद साधला. पूजा चव्हाण प्रकरणापासून ते मनसुख हिरेन प्रकरणामुळे हे अर्थसंकल्पीय अधिवेशन गाजले.

क्लिक करा आणि वाचा- ‘तुम्हारा सिर्फ तीन महिने का वक्त रहा हैं’; मुनगंटीवार विरुद्ध देशमुख

‘महाराष्ट्र कधी थांबला नाही आणि थांबणार नाही’

करोनाच्या या संकटकाळात अधिवेशन घेणे आव्हानात्मक होते. मात्र, नियम पाळून अधिवेशन पार पाडले, असे म्हणत विरोधकांनीही उत्तम सहकार्य केल्याचेही उद्धव ठाकरे म्हणाले. परवा महाविकास आघाडी सरकारने अर्थसंकल्प सादर केला. आव्हानात्मक स्थिती असतानाही हा अर्थसंकल्प सादर करण्यात आला. तरीही आम्ही कोणतेही रडगाणे न गाता हा अर्थसंकल्प सादर केला. ‘महाराष्ट्र कधी थांबला नाही आणि थांबणार नाही’, हे आपले ब्रीद वाक्य असल्याचे मुख्यमंत्री ठाकरे म्हणाले. या ब्रीद वाक्यानुसारच राज्यातील सर्व घटकांना सामावून घेण्याचा, त्यांना न्याय देण्याचा प्रयत्न केला आहे, असेही मुख्यमंत्री म्हणाले.

क्लिक करा आणि वाचा- मुंबई: कोविड लस घेतल्यानंतर ज्येष्ठ नागरिकाचा मृत्यू, महापालिकेची चौकशी समिती स्थापन
क्लिक करा आणि वाचा- मुख्यमंत्री शिवसेनेचा असून मराठीसाठी काहीच तरतूद नाही; दिवाकर रावतेंचा घरचा अहेर

[ad_2]

Source link

Leave a Comment