Uddhav Thackeray Took The First Dose Of Covid-19 Vaccine Gives Positive Message – मुख्यमंत्री उद्धव ठाकरेंनी घेतला कोविड लशीचा पहिला डोस; दिला सकारात्मक संदेश | Maharashtra Times

[ad_1]

हायलाइट्स:

  • राज्याचे मुख्यमंत्री उद्धव ठाकरे यांनी मुंबईतील जे. जे. रुग्णालयामध्ये करोनाच्या लशीचा पहिला डोस घेतला आहे.
  • मुख्यमंत्री कार्यालयाने मुख्यमंत्र्यांचा लशीचा डोस घेतानाचा फोटो ट्विट करत ही माहिती दिली.
  • आज दुपारी साडेबाराच्या सुमारास मुख्यमंत्री लस घेतली. यावेळी त्यांच्या पत्नी रश्मी ठाकरे आणि त्यांचे पुत्र तसेच राज्याचे पर्यटन मंत्री आदित्य ठाकरे हे सुद्धा यावेळी उपस्थित होते.

मुंबई: राज्याचे मुख्यमंत्री उद्धव ठाकरे (CM Uddhav Thackeray) यांनी मुंबईतील जे. जे. रुग्णालयामध्ये करोनाच्या लशीचा पहिला डोस घेतला आहे. मुख्यमंत्री कार्यालयाने मुख्यमंत्र्यांचा लशीचा डोस घेतानाचा फोटो ट्विट करत ही माहिती दिली. आज दुपारी साडेबाराच्या सुमारास मुख्यमंत्री लस घेतली. यावेळी त्यांच्या पत्नी रश्मी ठाकरे आणि त्यांचे पुत्र तसेच राज्याचे पर्यटन मंत्री आदित्य ठाकरे हे सुद्धा यावेळी उपस्थित होते. (chief minister uddhav thackeray took the first dose of covid 19 vaccine)

करोना लसीसंदर्भात नागरिकांमध्ये काहिसा संभ्रम आहे. हा संभ्रम दूर व्हावा या हेतूने उद्धव ठाकरेंनी करोनाची लस घेतल्याचे सांगितले जात आहे. ही लस घेत सर्वांनीच लसीकरणाच्या मोहिमेमध्ये सहभागी व्हावे असा संदेशच मुख्यमंत्री ठाकरे यांनी राज्यातील जनतेला दिला आहे. मुख्यमंत्री उद्धव ठाकरे यांनी कोव्हॅक्सिन ही लस घेतल्याचे डॉ. तात्याराव लहाने यांनी सांगितले. मुख्यमंत्री ठाकरे यांच्या बरोबरच मिलिंद नार्वेकर यांनी देखील करोनाची लस घेतली आहे.

विधीमंडळाच्या अर्थसंकल्पीय अधिवेशनानंतर मी कोविडची लस घेणार असल्याचे मुख्यमंत्री उद्धव ठाकरे यांनी म्हटले होते. त्यानंतर आज मुंबईतील जेजे रुग्णालयात उद्धव ठाकरे यांनी कोविडची लस घेतली. ही लस घेण्यासाठी मुंबईतील जे.जे. रुग्णालयात उद्धव ठाकरे सहकुटुंब दाखल झाले. मुख्यमंत्र्यांची प्राथमिक तपासणी केल्यानंतर त्यांना लस देण्यात आली. यानंतर त्यांना अर्धा तास देखरेखीखाली ठेवण्यात आले होते.

क्लिक करा आणि वाचा- Anvay Naik: अन्वय नाईक कुटुंबीयांचे देवेंद्र फडणवीसांवर टीकास्त्र, म्हणाले…

भीती बाळगण्याचे कारण नाही- मुख्यमंत्री

कोविड लस टोचून घेताना काहीच कळत नाही. या लशीबाबत कोणत्याही प्रकारची भीती किंवा मनात संभ्रम बाळगण्याचे कारण नाही, असे मुख्यमंत्री ठाकरे म्हणाले. राज्यात करोनाचा धोका वाढत असून जे लशीसाठी पात्र नागरिक आहेत, त्यांनी ही लस घ्यावी असे आवाहनही मुख्यमंत्र्यांनी केले आहे.

क्लिक करा आणि वाचा- कष्टाने पिकवलेल्या भाजीपाला झाला गुरांचा चारा; शेतकऱ्यांनी करावे काय?

नागरिकांनी लसीकरण करून घेणे आवश्यक असून करोना धोका वाढत असल्याने सर्वांनी काळजी घेण्याची आवश्यकता असल्याचे ते म्हणाले. राज्यातील परिस्थिती पाहता कदाचित काही ठिकाणांवर लॉकडाउन लागू करावा लागू शकतो. लोकांनी अनावश्यक घराबाहेर जाणे टाळावे, असेही मुख्यमंत्री ठाकरे यांनी लोकांना काळजी घेण्याचे आवाहन करताना म्हटले आहे.

क्लिक करा आणि वाचा- विश्वास नांगरे पाटील यांनी घेतली शरद पवार यांची भेट; चर्चेला उधाण

मुख्यमंत्री उद्धव ठाकरेंनी घेतला कोविड लशीचा पहिला डोस; दिला सकारात्मक संदेश

[ad_2]

Source link

Leave a Comment